Die Leeuwyfie – Vrouedag

OOR DIE DAG

Hierdie is ‘n Vrouedag wat ons net vir jóú geskep het.

‘n Dag om asem te skep, om te kuier, en om herinner te word aan die stil krag wat jy elke dag na jou familie bring. Want soos die leeuwyfie is dit dikwels die vrou wat die waardes, die tradisies en die nalatenskap dra wat ‘n familie van een geslag na die volgende laat voortbestaan.

Ons het merkwaardige sprekers genooi wat elk uit ‘n ander hoek na dieselfde vraag kyk: hoe bou en beskerm ‘n mens ‘n nalatenskap wat hou? Daar’s soveel wat ons met jou wil deel — kom hoor dit self, en kom wees deel van ‘n gesprek wat jou familie se toekoms kan raak.

Kom sluit by ons aan. Ons hou ‘n plek oop vir jou.

PROGRAM

09:30 — Aankoms, koffie & tee, en tyd om te kuier
10:00 — Amptelike verwelkoming
Gasspreker: Annelien Pienaar
Paneelgesprek: Vroue, families en nalatenskap — uit drie hoeke
Middagete & samesyn
14:00 — Afsluiting

(Tye is ‘n riglyn en kan effens aangepas word.)

GASSPREKER

Annelien Pienaar

Annelien Pienaar is een van Suid-Afrika se geliefde koswetenskaplikes, sjefs en skrywers. As dosent in Voedselwetenskap het sy ‘n loopbaan gebou op die idee van ‘n “resep met ‘n les” — elke resep leer jou die wetenskap agter die kos, sodat dit elke keer slaag. Dié benadering het haar oornag ‘n aanlyn-sukses gemaak, met ‘n blog wat al byna 2,3 miljoen besoeke ontvang het en ‘n aanhang van meer as 54 000 volgelinge.

Sy is die skrywer van twee gewilde kookboeke — Boerekos with a Twist (Human & Rousseau, 2017) en Vleis: Die Omvattende Gids (2021), wat in Afrikaans en Engels verskyn en internasionaal beskikbaar is. Annelien deel ook gereeld haar kennis en resepte op Pretoria FM se Buitelewe-reeks en op Maroela Media.

Bo alles vier Annelien ons Suid-Afrikaanse erfenis: die tradisies, herinneringe en waardes wat van geslag tot geslag om die kombuistafel aangegee word — wat haar die perfekte stem maak vir ‘n dag oor die vroue wat daardie erfenis leef en bewaar.

PANEELGESPREK

Vroue, families en nalatenskap — uit drie hoeke

Drie kundiges deel dieselfde tafel en dieselfde vraag: hoe verseker ‘n mens dat dít wat met soveel liefde gebou is, veilig na die volgende geslag oorgaan? Elkeen kyk uit haar eie vakgebied daarna:

• Karen Eckley – ‘n Trust- en Boedelspesialis met meer as 35 jaar ondervinding
• Liesl Fourie — prokureur en direkteur by Meyer van der Walt (Potchefstroom), met kundigheid in boedeladministrasie
• ‘n Ouditeur, wat die finansiële kant van ‘n familie se nalatenskap belig

Ons hou ‘n plek oop vir jou.